Takk til EELC - og ei snartenkt mor

Sist fredag var det tid for nasjonal prøve i matematikk for 5. trinn. Ein 90 minutts elektronisk prøve på nettet. Dagen kom, elev og lærar var klar, men det var ikkje internettet til NMS. Heldigvis visste Trude, mor til nokre andre av elevane råd: De kan låna kontoret mitt på kyrkjesekretariatet, der er det kanskje nett. Og ganske rett - eit raskt og godt nett som gjorde at prøven blei unnagjort som ein draum. Takk til EELC, Trude og kontorkollegaen hennar Bernatte som berga DNS si gjennomføring av nasjonal prøve!

PS! Denne veka skal 8. trinn i elden i same fag. Kanskje me skal booka plass på sekretariatet allereie?

Helsing lærar Trond

DNS Kamerun i mediavinden!

Ei lita pressemelding frå våre skriveføre jenter i 8. klasse (om at Den norske skulen i Kamerun i år berre har nynorskelevar) får spalteplass i stadig fleire medier; nå sist Bergensavisen, Sunnhordland, og http://www.framtida.no/. Frå før har Nordhordland, Dagen Magazinet, Vårt Land og http://www.nms.no/ gitt plass til denne meldinga. Kjekt at den blei tatt inn!

 

Helsing lærar Trond

Bantai, kva tyder det?

Me  starta på skolen til vanlig tid og var litt på skolen først. Endeleg så gikk me. Når me fant ein plass litt utanfor Bantaimarknaden der me kunne sitte. Då kjøpte rektor og ein lege 62 makkala til oss. Der me sat såg me mange sauar. Når me var ferdige med å ete gjekk me forbi mange eukalyptustre der det sat ei Kvitbrystkråke.  Eukalyptus kjem eigentlig frå Australia. Me lærte at Bantai er eit tre på fulani. Det er vanleg å ha marknad under slike tre.

Erle Huseby Solås