.jpg)
Den norske skulen i Kamerun (DNS) har gått frå å vera ein bokmålskule til å bli ein nynorskskule. Alle dei ni norske elevane nyttar nynorsk som målform dette året.
Tekst: Marianne Tomren (13) og Amalie Hjorteland (13) (elevar)
Foto: Trude Tomren
DNS i Kamerun har vore ein bokmålskule heilt frå oppstarten i 1958 og fram til no. Dette året har det ”umogelege” skjedd; alle elevane ved DNS har nynorsk som målform. Jamvel alle lærarane har nynorsk som hovudspråk. Dette skjer trass i at vedtektene seier at DNS skal vera ein bokmålskule.
– Spørsmålet er om vedtektene nå må endrast. For me kan jo ikkje akkurat nekta elevane å få undervisning på si eiga målform, seier rektor ved DNS, Trond Hjorteland.
Ni elevar
I år er det ni elevar på skulen. Kanskje ikkje mange, men 200 % fleire enn dei tre som gjekk her i fjor. Desse tre går her framleis, og dei er glade for å få nye klassekameratar.
– Det var verkeleg einsamt her i fjor. Det var ingen å prate med i friminutta, fortel Marianne Tomren (13), eldste elev på skulen.
DNS Kamerun er ein privat grunnskule eigd og driven av Det Norske Misjonsselskap.
Flott at nynorsk også blir registrert mellom dei mange språk i Kamerun! For ei tid tilbake registrerte eg dei språk som i perioden 1964 til 1976 var registrerte for dei fødande ved misjonen/kyrkja sitt sjukehus i Ngaoundere. Det var 100 språk, inkludert norsk, fransk engelsk og arabisk. Men nå er altså 101 ute, og det vart nynorsk!
SvarSlettBestefar til barn ved skulen